fbpx

Jana

Niera, 2014

Jana, sa fiza ‘e sa luna
e s’intendet passende,
pesat piùbere ‘e istellas...

Fada, bianca che unu lentolu,
in s’iscuru lughente
bestis linu e oro

… e in sa notte s'atzendent medas majas
tue minuda bellesa, como ti cheria.

Jana, boghe ‘e una creadura
chi si pagu l'intendes
ti nd’istratzat su coro...

Fada, bianca subra 'e unu lizu
in s’iscuru lughente
semenende destinos

... e in sa notte s’atzendent medas majas
tue minuda bellesa, como ti cheria.

Deo e tue...

... cando serro sos ojos...
... cando su pensamentu chi curret a tie...
... cando giamas tres boltas e no isco chie...

Deo e tue…

un’amore impossibile,
che ses cantu una manu
e deo no isco bolare
ma solu iscultare,
in s’orija cantare,
una jana pro a mie.

Jana, ite bella chi ses,
drommis subra ‘e una foza,
ti nd’ischidat lentore.

Fada, bianca che unu frore
in s'iscuru lughente
allumende caminos

... e in sa notte s’atzendent medas majas

tue minuda presèntzia, como ti cheria

Ti piace il nostro sito?

Non ci avvaliamo di pubblicità, banner o pop up. Vorremmo provare a farne a meno.

Quindi la nostra forza sei tu e la tua passione. Contribuisci a far crescere questo progetto.

Te ne saremo infinitamente grati, e potrai sentirti protagonista di Sa Scena Sarda quanto noi!

Dacci una tua opinione sull'articolo

%d blogger hanno fatto clic su Mi Piace per questo: